甜蜜蜜之旅💝
係昂坪市集，有一間係門口就聞到甜絲絲嘅鋪頭！佢叫做 - The Art of Chocolate Hong Kong。係呢度可以一次過滿足你食玩買三個願望。🤩🤩
嚟自烏克蘭嘅🍫朱古力大師以香港日常生活為靈感，創作出以街市、麻雀、點心🥟為題嘅朱古力展品。入到去真係大開眼界，眼前嘅一切全部都係用朱古力整成！朱古力就食得多啦，用朱古力做藝術品就真係好少聽到或者見到。🤨🤨
除左參觀之外，仲可以玩！你可以揀一款朱古力，然後幫佢上色🎨，呢種體驗真係第一次，非常有趣👩🏻🎨！
之後店長會親身介紹佢哋嘅朱古力，佢話平時食朱古力會肥，因為坊間啲朱古力用左好多人工、加工材料。而佢哋用嘅朱古力純天然，高可可含量，不單止唔肥，仲可以減肥添！而且仲對身體有好處！🤗🤗
係介紹之中，印象最深係認識左「紅寶石朱古力」😊，一粒細細嘅朱古力可以有三種口感，先係酸酸地，之後軟滑，再之後係清新果花🍇。真係估唔到食朱古力，都好似飲紅酒🍷咁講究。
店長俾左好多款不同朱古力俾我地試，試多咁多款靚朱古力，再返轉頭食普通朱古力，即刻覺得隻味好膠🤪🤪
我最後都買咗少少朱古力，支持一下本地手工😃😃
Search